نئی دہلی،25اگست(ایس او نیوز/آئی این ایس انڈیا)دہلی ہائی کورٹ نے فائدہ کا عہدہ مبینہ طور پر سنبھالنے کے معاملے میں سماعت جاری رکھنے کے الیکشن کمیشن کے فیصلے کے خلاف 12آپ ممبران اسمبلی کی درخواست پر کمیشن سے آج جواب مانگا۔جسٹس اندرمیت کور نے کمیشن کو نوٹس جاری کیا اور آپ کے اے ایل اے کی درخواست پراس کا جوا ب مانگا۔ان درخواستوں میں دعوی کیا ہے کہ ہائی کورٹ نے جب یہ حکم دے دیا ہے کہ ان کی تقرریاں غیر آئینی ہیں اور اس نے انہیں درکنار کر دیا ہے، تو اس بات کی کوئی ضرورت نہیں ہے کہ کمیشن معاملے کی سماعت جاری رکھے۔عدالت نے اپنے حکم میں کہا کہ درخواست گزار اس مرحلے پرالیکشن کمیشن کے فیصلے پر روک لگانے کی درخواست نہیں کر رہے ہیں کیونکہ کمیشن نے سماعت کی کوئی آئندہ تاریخ نہیں دی۔انہوں نے کہا کہ اگر کمیشن نے اس معاملے کی سماعت کے لئے ایک تاریخ کا فیصلہ کیا ہے، تو درخواست دینے والا اسے روکنے کے لئے درخواست کر سکتا ہے۔عدالت نے 21نومبر کو درخواستوں کی سماعت کے لئے مقرر کیا ہے۔
اس سے قبل، 4اگست کو عدالت نے آٹھ دیگر ایم ایل اے کی درخواست پر ایک ہی حکم منظور کیا جس نے الیکشن کمیشن کے  23جون کے فیصلے دینے والے 8دیگرآپ ممبران اسمبلی کی درخواست پراسی طرح کافیصلہ کیا تھا۔آپ ممبران اسمبلی نے دعوی کیا ہے کہ الیکشن کمیشن کا حکم مکمل طور پر نااہل، غیر مناسب، عجیب اور اس کے حقوق کا غلط استعمال ہے۔